Një mjegull e dendur portokalli ka mbuluar Athinën dhe qytetet e tjera greke të martën, duke shënuar një nga ndodhitë më të këqija që ka goditur Greqinë që nga viti 2018 sipas zyrtarëve.

Mjegulla e verdhë në portokalli mbuloi disa rajone pas ditëve me erëra të forta nga jugu, duke kufizuar dukshmërinë dhe duke nxitur paralajmërimin nga autoritetet për rreziqet e frymëmarrjes.

Personave që kanë probleme me frymëmarrjen u është kërkuar të mos kalojnë shumë kohë jashtë, të mbajnë masa mbrojtëse dhe të shmangin ushtrimet fizike derisa retë e pluhurit të largohen.

Autoritetet paralajmëruan se përqendrimi i madh i pluhurit mund të zvogëlojë depërtimin e rrezeve të diellit dhe dukshmërinë, ndërsa rrit ndotjen, duke shtuar rrezikshmërinë për personat me probleme shëndetësore.

Sahara lëshon 60 deri në 200 milion ton pluhur mineral në vit. Ndërsa grimcat më të mëdha kthehen me shpejtësi në tokë, më të voglat mund të udhëtojnë mijëra kilometra, duke arritur potencialisht në të gjithë Evropën.

Sipas meteorologëve, qielli do të fillojë të pastrohet të mërkurën.