Ledion Liço thumbon Arbana Osmanin në promon e Big Brother VIP Albania

Ledion Liço ka ndezur rrjetet sociale me promon e tij për hapjen e sezonit të ri të Big Brother VIP Albania, që nis më 21 dhjetor. Përveç stilit të tij karizmatik dhe humorit të shkëlqyer, ai la të gjithë me dyshime me një detaj që mund të jetë një thumb i fshehur ndaj Arbana Osmanit, ish-prezantueses së spektaklit.

Në video, Liço shfaqet me një libër në dorë, ku në kopertinë shkruhej: “Antonime të fjalës Mirëmbrëma Yje”. Ky detaj u vu menjëherë në qendër të vëmendjes, pasi “Mirëmbrëma Yje” është titulli i emisionit aktual të Arbana Osmanit.

A është ky një mesazh i koduar nga Ledioni apo thjesht një lojë ironike për të ndezur atmosferën? Spekulimet tashmë kanë filluar, dhe fansat presin me padurim të shohin nëse ky “thumb” do të shoqërohet me të tjera surpriza gjatë spektaklit.
Të gjithë presin me padurim startin e sezonit të ri, ndërsa Ledioni premton një eksperiencë ndryshe dhe surpriza të mëdha. Të mbetet vetëm të shohim çfarë do të ndodhë më 21 dhjetor!